RESERVA DA BIOSFERA - AREA DE ALLARIZ

	20/05/2019 Concello de Allariz e Universidade de Vigo renovan por catro anos máis a súa colaboración arqueolóxica Desde o ano 2011 o Grupo de Estudos de Arqueoloxía, Antigüidade e Territorio (Geaat) da Universidade de Vigo traballa co Concello de Allariz no estudo e valorización do seu patrimonio arqueolóxico, concretamente do Monte do Señoriño, a ‘Cibdá’ romana ou Castro de Armea e o Castelo de Todea. Este luns, Manuel Reigosa, reitor da Universidade de Vigo, e Mª Cristina Cid, alcaldesa de Allariz, asinaron un convenio específico de colaboración para dar continuidade durante catro anos máis a esta colaboración na que o concello ourensán ten investido arredor de 150.000 euros.
	15/05/2019 O Festival Internacional de Xardíns de Allariz celebra o Día da Abella O vindeiro 20 de maio a Escola Galega de Apicultura celebrará o Día da Abella no Festival Internacional de Xardíns de Allariz, cunha actividade que terá lugar nos arredores da Casa dos Polinizadores, un gran "hotel" de insectos ubicado nos xardíns para ofrecer aloxamento a multitude de abellas e polinizadores de diferentes tipos. Alí ofreceranse obradoiros para escolares e público infantil, para que os nenos e nenas aprendan a importancia das abellas no medio ambiente e os múltiples beneficios que nos aportan.
	14/05/2019 Allariz estrea a décima edición do Festival de Xardíns dedicado ao Cine O Festival Internacional de Xardíns de Allariz abriu as portas da súa décima edición baixo o tema central de “Xardíns de Cine”. Centos de veciños e veciñas acompañaron aos e ás paisaxistas protagonistas desta edición e a organizadores nunha tarde de cine na que soaban bandas sonoras coñecidas grazas a Banda Unión Musical de Allariz.
	07/05/2019 Allariz estrea os Xardíns de Cine. ACCIÓN! O Festival Internacional de Xardíns de Allariz abrirá as portas da súa décima edición este domingo, día 12 de maio ás 20:00h.